“Энергетик” мәдәният сараенда Батырлык орденын тапшыру чарасы узды

Бүген “Энергетик” мәдәният сараенда якташыбыз Каплин Василий Николаевичны искә алу чарасына җыелдылар. Безнең күп кенә якташларыбыз махсус операциядә катнаша, кызганычка каршы арада сугыш кырыннан кайтмаучылар да бар. Өлкән прапорщик Каплин Василий Николаевич- 1988 елның 8 нче мартында туган, 20 гыйнварьда хәрби антка тугры булып, Украина территориясендә махсус хәрби операциядә катнашканда һәлак була. Чарада Һәлак булган сугышчыларның истәлеген бер минутлык тынлык белән искә алдылар. Россия Федерациясе Президентының 2023 елның 11 мартындагы Указы нигезендә хәрби бурычны үтәгәндә күрсәткән батырлыгы һәм фидакарьлеге өчен Василий Каплин үлгәннән соң Батырлык ордены белән белән бүләкләнде. Район башлыгы Разиф Галиевич һәм хәрби комиссар Айрат Фоат улы Орденны аның тормыш иптәше Анна Николаевнага тапшырдылар. Шулай ук 4 якташыбызга сугышчан хәрәкәтләр ветераны таныклыгы тапшырылды. Район башлыгы хәрбиләргә рәхмәт белдерде һәм аларга ныклы сәламәтлек, тыныч күк йөзе теләде.