Иске Зәй бистәсендә Сабантуй узды

9 июнь көнне Зәй-2 микрорайонында “Сабантуй-2023” татар халык бәйрәме узды. Бәйрәм бүләкләр җыюдан башланды, хореографик күренеш белән дәвам итте. Зәйлеләрне һәм килгән кунакларны район башлыгы Р.Г. Кәримов исеменнән аның урынбасары П.С.Уразайкин котлады. Сабантуй программасы бәйрәм концерты һәм спорт ярышларына бай булды. Гасырлар традицияләрен саклап, төрледән-төрле халык уеннары үткәрелде. Микрорайонда яшәүчеләр һәм кунаклар барлык ярышларда да актив катнаштылар. Балалар өчен кабартылган батутлар, аниматорлар белән уеннар оештырылды. Зәй-2 халкы һәм кунаклары өчен әзерләнгән концерт бәйрәм башыннан алып ахырына кадәр дәвам итте. Вокаль номерлар белән “Каенкай” балалар бакчасы, 1 нче мәктәп, “Жиләк”, “Сөмбелә” район мәдәният йортының фольклор коллективлары, “Заиночка”, “Вдохновение” вокаль ансамбльләре чыгыш ясады. Бәйрәм бик күңелле узды.