“Шатлык” халыкка социаль хезмәт күрсәтү комплекслы үзәгендә социаль хезмәткәр көненә багышланган тантаналы чара узды

Бүген “Шатлык” халыкка социаль хезмәт күрсәтү комплекслы үзәгендә социаль хезмәткәр көненә багышланган тантаналы чара узды. Районның социаль хезмәткәрләре, шулай ук тармак ветераннары үзләренең һөнәри бәйрәмнәрен билгеләп үтәргә җыелды. Хәзерге җәмгыять тормышында халыкны социаль яклау роле елдан-ел арта бара. Социаль өлкә хезмәткәрләре бүген - кирәкле карарларны тиз арада кабул итәргә, кирәкле гамәлләр кылырга, ә иң мөһиме, мохтаҗ һәркемгә кирәкле ярдәм күрсәтергә сәләтле югары квалификацияле белгечләр. Социаль өлкә хезмәткәрләрен һөнәри бәйрәмнәре белән район башлыгы Разиф Кәримов котлады. Үз чыгышында ул социаль эшнең мөһимлеген һәм кирәклеген билгеләп үтте. Разиф Галиевич республика бүләкләрен, Рәхмәт хатларын һәм социаль өлкәнең иң яхшы хезмәткәрләренә Мактау грамоталары тапшырды. 4 хезмәткәр Татарстан Республикасы Хезмәт, халыкны эш белән тәэмин итү һәм социаль яклау министрлыгының Мактау грамотасы, 4 хезмәткәргә Татарстан Республикасы Хезмәт, халыкны эш белән тәэмин итү һәм социаль яклау министрлыгының Рәхмәте белдерелде. Татарстан Республикасы Хезмәт, халыкны эш белән тәэмин итү һәм социаль яклау министрлыгының Рәхмәт хаты белән 10 кеше бүләкләнде, 6 кешегә Зәй муниципаль районы башлыгы Рәхмәте белдерелде. Тармак ветераннарын һәм хезмәттәшләрен шулай ук социаль яклау бүлеге җитәкчесе Эльмира Хуҗина да котлады. “Энергетик” мәдәният йортының иҗат коллективлары бәйрәм кунакларына музыкаль номерлар бүләк иттеләр.