«Үсеш ноктасы» уку үзәкләреннән җәмгыять өчен яңа технологияләр
Зәй районы «Кадер урта гомуми белем бирү мәктәбе» базасында «Үсеш ноктасы» цифрлы һәм гуманитар белем бирү үзәге эшен дәвам итә. «Заманча мәктәп» федераль проектының «Мәгариф» милли проекты ярдәмендә үзәктә өстәмә белем бирү программалары гамәлгә ашырыла: «Виртуаль чынбарлык», «Робототехника», «3-d модельләштерү», «Шахмат», «Иминлек утраулары», «Театр». Һәр укучының үзенә кызыклы шөгыль табарга, үз сәләтләрен ачарга һәм талантларын үстерергә мөмкинлеге бар. Заманча технологияләрне өйрәнеп, авыл мәктәбе укучылары цифрлы грамоталылыкны үстерәләр, шахмат белеме алалар, шулай ук проект эшчәнлеге белән актив шөгыльләнәләр, үзләренең иң кыю фантазияләрен һәм ниятләрен тормышка ашыралар. «Социоум өчен технологияләр» социаль өлкәдә техник карарлар республика конкурсында катнашу нәтиҗәләре буенча Кадер мәктәбе укучылары лауреатлар булдылар һәм конкурс партнерларыннан дипломнар һәм истәлекле бүләкләр белән бүләкләнделәр: «Беренчеләр хәрәкәте» РДДМ, «РЦВР» ДБУ һәм «Казан талантлар университеты» АНО. Конкурсның йомгаклау этабы Чаллы шәһәренең «Кванториум "Балалар технопаркы" базасында узды. Балаларга ИТ-парк буенча экскурсия уздырдылар, конкурс финалистлары үз проектларын тәкъдим иттеләр. Кадер мәктәбе укучылары командасы «Экомобиль» танып белү-тикшеренү проектын тәкъдим итте. Проект өстендә эшләгәндә Бахтиярова Азалия, Маракин Аркадий, Морозов Артем «Үсеш ноктасы» үзәге җиһазлары ярдәмендә тикшеренүләр үткәрәләр һәм экомобиль макетын ясыйлар. Балалар әйтүенчә, әйләнә-тирә мохитне көнкүреш калдыклары белән пычрату проблемасын һәр кеше өлешчә хәл итә ала. Өстәмә белем бирү педагогы Биккинин Альфат Галимҗан улы билгеләп үтә: "Мондый дәрәҗәле конкурсларда гади авыл укучыларының катнашуы һәм призлы урыннар алу кыйммәтле тәҗрибә тупларга мөмкинлек бирә. Барысы да югары технологияләр дөньясында булудан шаккаттылар. Мәктәп укучылары да, педагоглар да «Үсеш ноктасы» үзәгендә тормышка ашыру өчен яңа идеяләр белән уртаклаштылар».