Зәйдә шәһәр төзелеше Советының күчмә утырышы узды

Бүген район башлыгы урынбасары П.С. Уразайкин рәислегендә Зәй муниципаль районы шәһәр төзелеше Советының күчмә утырышы узды. Көн тәртибенә 2 мәсьәлә кертелгән: ТР, Зәй шәһәре, Т.Ялчыгол урамы, 5б йорт адресы буенча «Беренче кәрәзле» бина фасадының эскиз проектын килештерү; Р.Ш. Фәрдиев исемендәге паркта сәүдә павильоны урнаштыруны килештерү. Бина фасадының эскиз проектын килештерү мәсьәләсе буенча "Диксис-Закамье" мобиль элемтә үзәге ҖЧҖ директоры Перескокова Наталья Ивановна чыгыш ясады; Р.Ш. Фәрдиев исемендәге паркта сәүдә павильоны урнаштыруны килештерү мәсьәләсе белән үзмәшгуль Антонов Дмитрий Юрьевич таныштырды. Шәһәр төзелеше Советы әгъзалары төзүчеләрнең тәкъдимнәрен карадылар, тәкъдим ителгән проектлар буенча үз фикерләрен белдерделәр, алга таба проектлау буенча фикерләрен әйттеләр. Шәһәр төзелеше Советы утырышына район башлыгы урынбасары П.С.Уразайкин йомгак ясады.