Зәйдә волейбол буенча ТР муниципаль хезмәткәрләре Спартакиадасы уза

Бүген Зәйдә 1 төркем хатын-кызлар командалары арасында волейбол буенча Татарстан Республикасы муниципаль хезмәткәрләре Спартакиадасы старт алды. Ярышларда 10 команда катнаша: Азнакай, Әлмәт, Алабуга, Зәй, Яшел Үзән, Түбән Кама, Нурлат, Чистай муниципаль районнары, Казан һәм Яр Чаллы шәһәрләре. Ярышларның баш судьясы- Овощников Алексей Игоревич. Спартакиаданы ачу тантанасында катнашучыларны район башлыгы урынбасары П.С. Уразайкин сәламләде һәм лаеклы очрашулар теләде. Ярышлар ике көн дәвамында ике спорт залында: «Энергетик» мәдәният йорты һәм «Старт» спорт-сәламәтләндерү комплексында узачак. Бүген уеннар төркемнәрдә үткәрелә. Финал уеннары һәм җиңүчеләрне һәм призерларны бүләкләү иртәгә, 28 майда, «Старт» спорт-сәламәтләндерү комплексында узачак.