Зәйдә террорчылыкка каршы комиссия һәм оператив төркемнең берләштерелгән утырышы узды

2023 елның 22 маенда хакимиятнең зур залында кешеләрнең күпләп яшәү урыннары, җәйге ял итү һәм балаларны сәламәтләндерү урыннары җитәкчеләре, районның авыл җирлекләре башлыклары катнашында террорчылыкка каршы комиссиянең һәм районның оператив төркеменең бердәм утырышы узды. «Сабантуй» милли бәйрәмен, БДИ, районның гомуми белем бирү учреждениеләрендә чыгарылыш кичәләрен үткәргәндә объектларның террорчылыкка каршы сакланышын көчәйтү мәсьәләләре каралды – мәгълүмат белән Зәй районы буенча Эчке эшләр бүлеге башлыгы һәм район Башкарма комитетының мәгариф идарәсе башлыгы чыгыш ясады. «Созвездие» ("Йолдызлык"), «Факел», «Ялта-Зәй», мәктәп яны лагерьлары җитәкчеләре балаларның җәйге ял итү һәм сәламәтләндерү урыннарының террорчылыкка каршы саклану торышы белән таныштырдылар. Гулькин һәм Урсай авыл җирлекләре башлыклары үз җирлекләрендә террорчылыкны һәм экстремизмны профилактикалау буенча күрелгән чаралар турында хәбәр иттеләр.