Район җитәкчеләре капиталь ремонт һәм төзелеш баручы объектларда булдылар

Бүген район башлыгы Разиф Гали улы Кәримов район Башкарма комитеты җитәкчесе Эмиль Галиев белән берлектә капиталь ремонт объекты - Ринат Фәрдиев исемендәге татар гимназиясендә һәм яңа йөзү бассейны төзелү урынында булдылар. Подряд оешмалары вәкилләре белән бергә алар ремонт һәм төзелеш эшләренең барышы белән таныштылар, шулай ук эш графигы һәм аларны башкару вакыты турында фикер алыштылар. Җаваплы хезмәткәрләргә район башлыгы тарафыннан эш графигын үтәү буенча тиешле йөкләмәләр бирелде.