Зәй районында авыл җирлекләре башлыклары катнашында семинар узды

Бүген Бигеш авыл җирлегендә Зәй муниципаль районы авыл җирлекләре башлыклары катнашында семинар узды. Семинарда катнашучылар балалар мәйданчыгын, югары Лоҗы авылындагы яңа чишмәне карадылар. Чишмә авыл халкы инициативасы буенча төзекләндерелгән. Бигеш җирлегендә яшәүчеләр эшмәкәр Герасимов Олегка һәм аның командасына матур ял урыны өчен аерым рәхмәт белдерәләр. Аннары семинарда катнашучылар Карман авылы парк зонасын һәм чишмәне карадылар, авыл мәдәният йортында семинарның пленар өлеше узды. Район башлыгы Кәримов Разиф Гали улы мондый семинарларның нәтиҗәлелеген һәм әһәмиятен билгеләп үтте. 2023 елның 4 аена аерым күрсәткечләр буенча авыл җирлекләре эшчәнлеген район Башкарма комитетының икътисад бүлеге башлыгы Марат Хәбибуллин бәяләде. Бигеш авыл җирлеге башлыгы Илгиз Вәлиев 2023 елның 4 аенда җирле үзидарә органнарының эше һәм калган чорга бурычлары турында сөйләде. Хайваннар һәм йорт кошларының йогышлы авырулары таралуга юл куймау турында баш ветеринария табибы Фоат Исламов хәбәр итте. Семинарга район башлыгы Разиф Кәримов йомгак ясады.