Зәй шәһәренең тарихи өлешендә Бөек Ватан сугышында Җиңүнең 78 еллыгына багышланган тантаналы митинг узды

8 майда шәһәрнең тарихи өлеше-Зәй-2 микрорайонында Бөек Ватан сугышында Җиңүнең 78 еллыгына багышланган тантаналы митинг узды. Митингта Зәй муниципаль районы башлыгы Разиф Гали улы Кәримов, район Башкарма комитеты җитәкчесе Эмиль Эдуард улы Галиев, шәһәр башлыгы урынбасары Елена Владимировна Недошивина, Зәй шәһәре һәм Зәй районы хәрби комиссары Айрат Фоат улы Әгләмъҗанов, сугыш хәрәкәтләре ветераннары, тыл хезмәтчәннәре, предприятие, оешма коллективлары, руханилар катнашты. Илнең төп бәйрәме - Җиңү көне алдыннан Зәй районы башлыгы Разиф Кәримов котлау сүзләре белән чыгыш ясады. "Җиңү көнен без Ватанны данлыклы саклаучыларга, фронтта һәм тылда күптән көтелгән җиңүне фидакарьлек, батырлык белән якынайткан һәркемгә дан һәм тирән хөрмәт итеп билгеләп үтәбез. Өлкән буыннар яулаган җиңү бүген дә безне сынаулар алдында җиңелә алмаслык итә, рухны ныгыта, авырлыкларны җиңәргә һәм алга гына барырга ярдәм итә!- диде ул үзенең чыгышында. Тантаналы митинг 1941-1945 елларда Бөек Ватан сугышында Ватан өчен һәлак булган Зәй уллары һәм кызлары һәйкәленә чәчәкләр салу белән тәмамланды.