Зәйдә Бөек Ватан сугышында Җиңүнең 78 еллыгына багышланган җиңел атлетика эстафетасы үтте

4 майда Зәйнең ун балалар бакчасы тәрбияләнүчеләре командалары «Энергия» стадионында узган Бөек Ватан сугышында Җиңүнең 78 еллыгына багышланган җиңел атлетика эстафетасында катнаштылар. Ярышның максаты-үсеп килүче буынның патриотик аңын формалаштыру, шулай ук сәламәт яшәү рәвешен һәм мәктәпкәчә яшьтәге балалар арасында җиңел атлетиканы популярлаштыру. Һәр командада 8 спортчы катнашты, аларга 50 метрлы дистанцияне үтәргә туры килде. Иң яхшы вакытны "Энҗе" балалар бакчасы командасы күрсәтте, икенче урында "Кыңгырау чәчәге" балалар бакчасы тәрбияләнүчеләре, өченче призлы урынны "Күкчәчәк" балалар бакчасы командасы яулады. Җиңүчеләр һәм призерлар медальләр һәм грамоталар белән бүләкләнде, ә калган командалар катнашулар өчен әзерләнгән дипломнар алды. "Безнең балалар бакчасы һәрвакыт физик культура һәм спорт идарәсе үткәргән чараларда актив катнаша. Сәламәт, нык, көчле булып үсәргә спорт ярдәм итә. Үзләренең физик осталыкларын һәм мөмкинлекләрен балалар шундый ярышларда күрсәтә ала. Ярышлар чын спорт һәм сәламәтлек бәйрәменә әверелде" - дип аңлатма бирде» "Энҗе" балалар бакчасының физик тәрбия буенча инструкторы Елена Александровна Александрова.