Район башлыгы Зәй шәһәренең «Техно заводы» ҖЧҖ филиалында булды

Бүген район башлыгы Разиф Гали улы Кәримов район Башкарма комитеты җитәкчесенең икътисади үсеш, сәнәгать, сәүдә һәм эшкуарлыкка ярдәм итү буенча урынбасары Розалия Марселевна Архипова белән берлектә эш визиты белән Зәй шәһәренең «Техно заводы» ҖЧҖ филиалында булды. Очрашу вакытында филиал директоры Андрей Мамонтов предприятиенең 2023 елның беренче кварталындагы җитештерү күрсәткечләре турында мәгълүмат җиткерде. Шулай ук киләчәккә планнар, экология программасы буенча инвестицион проектлар турында фикер алыштылар. Бүгенге көндә предприятие үз эшен элек расланган график буенча тайпылышларсыз алып баруын дәвам итә.