Зәйдә балалар һәм яшүсмерләр өчен аралашу клубы эшли

«Радость» халыкка социаль хезмәт күрсәтүнең Зәй комплекслы үзәге базасында инде күп еллар төркемләп эшләүнең нәтиҗәле профилактик рәвеше булган балалар һәм яшүсмерләр клубы эшләп килә. «Демография» милли проекты кысаларында клуб эшчәнлегенең беренче чираттагы бурычларының берсе булып сәламәт яшәү рәвеше һәм үсеп килүче буынның гармонияле үсешен булдыру, балаларны һәм яшүсмерләрне зарарлы гадәтләрдән, асоциаль тәртиптән аеру тора. Урта һәм өлкән мәктәп яшендәге яшүсмерләр өчен «Альтернатива» яшьләр клубы эшли. Биредә яшүсмерләр белән эмоциональ һәм иҗади үсешкә, куркуларны җиңеп чыгуга, социаль адаптациягә, лидерлык сыйфатларын, коммуникатив сәләтләрне үстерүгә, агрессивлыкны, яшеренлекне, борчуларны юкка чыгаруга юнәлтелгән эш алып барыла. Балалар сәнгать мөмкинлекләрен үстерү, иҗади потенциалын активлаштыру, эмоциональ-хис өлкәсен үстерү мөмкинлеге ала. Имин булмаган гаиләләрдә тәрбияләнүче кызларны психологик-педагогик озатып бару «Девчата» клубында гамәлгә ашырыла. Яшь кызлар сәламәт ял итәргә, ял итү культурасына өйрәнәләр, шәхси гигиена күнекмәләре белән танышалар, кул эшләре, кулинария, йорт хуҗалыгы алып бару күнекмәләрен үстерәләр. Тормыш эшчәнлеге мөмкинлекләре чикләнгән балалар өчен инвалид баланың тормыш сыйфатын күтәрүгә юнәлдерелгән «Үсеш» клубы эшли. Клубта мөмкинлекләре чикләнгән баланың дәресләрендә әйләнә-тирә дөнья турында күзаллау формалаша; күрү, ишетү һәм тактик тойгылар үсә; сенсомотор күнекмәләре, хыял, игътибарга коррекция ясала, баланың эмоциональ-ихтыяр өлкәсенә кагыла, ата-аналарның һәм балаларның уртак ялын уздыру күнекмәләре камилләштерелә. «Улыбка» клубы кече һәм урта мәктәп балалары өчен оештырылган. Клубта шөгыльләренең төп максаты - шәхесне гармонизацияләү һәм социаль-психологик адаптация процессларын камилләштерү, тулы булмаган, күпбалалы, аз керемле гаиләләрдә тәрбияләнүче балаларның үз-үзләрен тотышында булган тайпылышларны коррекцияләү. Шулай ук «Улыбка» клубы эшчәнлегенең төп юнәлешләреннән берсе - балаларны әхлакый тәрбияләү, гражданлык, ватанпәрвәрлек, толерантлык, хокукый тәрбия нигезләрен булдыру. Үзәк коллективы адресына клубларга йөрүче ата-аналардан рәхмәт сүзләре килә. Үсмернең әти-әнисе билгеләп үткәнчә, клубка бару улының буш вакытын оештыруда зур ярдәм күрсәтә. Клубта балалар өчен төрле уен, танып белү һәм өйрәтү чаралары, уен программалары, педагоглар һәм психологлар белән индивидуаль һәм төркемле дәресләр оештырыла. Балалар даими аралашу мөмкинлегенә ия, һәрьяклап игътибар белән чолгап алынган һәм тулысынча ял итә, ә иң мөһиме - тәмәке яки исерткеч эчемлек татып карамау. Гаиләгә һәм балаларга социаль ярдәм күрсәтү бүлеге белгечләре, клуб эшчәнлеге авыр тормыш хәлендә калган гаиләләрдән булган балаларга психологик-педагогик ярдәм күрсәтү мөмкинлекләрен һәм эчтәлеген киңәйтә, дип саный, һәм социаль куркыныч хәлдә, профилактика, асоциаль күренешләргә каршы көрәш, сәламәт ял вакытын үткәрүгә җәлеп итү методы булып тора.