"Янгынга-юк!" экодәресе

22 апрельдә Зәй шәһәренең 1 нче мәктәбендә табигатьтә янгын куркынычсызлыгына багышланган кече сыйныфлар өчен дәрес узды. Максаты: табигатьтә янгын куркынычсызлыгы кагыйдәләрен белүне ныгыту; үз-үзеңне саклау күнекмәләрен формалаштыру. Югары сыйныф активистлары балалар өчен инструктаж һәм викторина үткәрделәр. Уен формасында балаларга табигатьтә янгын куркынычсызлыгының төп кагыйдәләрен искә төшерделәр, янгыннарның сәбәпләре белән таныштырдылар. Мондый дәресләр мәктәптә даими үткәрелә һәм табигатьтә яшәүчеләрнең тормышында җаваплылык хисе тәрбияләргә, шулай ук актив гражданлык позициясен алырга тиеш.