Район башлыгы җирле үзидарә хезмәткәрләрен һөнәри бәйрәмнәре белән котлады

Бүген район хакимиятендә җирле үзидарә көненә багышланган тантаналы чара узды. Район башлыгы Кәримов Разиф Гали улы җирле үзидарә хезмәткәрләрен һөнәри бәйрәмнәре белән котлады, уңышлар һәм нәтиҗәле эшчәнлек теләде. Бүгенге көндә районда җирле үзидарә органнарында 160тан артык хезмәткәр эшли. Халык белән турыдан-туры эшләүче җирле үзидарә органнары хезмәткәрләренең эше аеруча җаваплы, мөһим һәм намус эше булып тора. Район башлыгы хезмәттәшләренә ныклы сәламәтлек, бәхет, гаилә иминлеге һәм якты киләчәк теләде. Нәтиҗәле хезмәтләре һәм һөнәри бәйрәмнәре уңаеннан иң яхшы хезмәткәрләр Мактау грамоталарына һәм Рәхмәт хатларына ия булдылар. Чараны шәһәрнең иҗат коллективлары чыгышлары бизәде.