Зәйдә Бөтенроссия эшкә урнашу ярминкәсенең беренче этабы узды

14 һәм 15 апрель көннәрендә Зәй шәһәрендә «Работа России. Время возможностей» бөтенроссия эшкә урнашу ярминкәсенең беренче этабы узды. Ярминкәнең төп максаты-эшне тиз арада сайлау гына түгел, ә карьераны планлаштыруда ярдәм итү дә. Исегезгә төшерәбез, мәшгульлек хезмәтен модернизацияләү проекты «Демография» милли проекты кысаларында гамәлгә ашырыла. Чара кысаларында Зәй районының 20 дән артык әйдәп баручы предприятиесе һәм оешмасы үзләренең реаль вакансияләрен тәкъдим итте, мәсәлән, «Татэнерго» АҖ филиалы - Зәй ГРЭСы, «Татнефтедор» ҖЧҖ Зәй автомобиль юллар идарәсе, «Зәй шикәре» АҖ, «Сетевая компания» АҖ филиалы, Түбән Кама электр челтәрләре, «Гудвилл» ҖЧҖ һ. б. Кадрлар белән очрашуга 900дән артык кеше килгән, алар арасында эшсезләр һәм эш эзләүче гражданнар гына түгел, ә студентлар, мәктәп укучылары һәм хәтта пенсионерлар да бар. Махсус мәйданчыкларда мастер-класслар, эш бирүчеләрнең видео визиткалары, әңгәмәләр мәйданчыгы, Зәй политехник көллиятенең белем бирү учреждениесе мәйданчыгы, карьера остаханәләре һ.б. оештырылды. «Карьера үсеше» мәйданчыгына ихтыяҗ зур, анда теләгән һәркем һөнәри юнәлеш ала һәм резюме төзү буенча мастер-класста катнаша ала. Эш эзләүчеләр үзләренең һөнәри компетенцияләрен арттыру яки ихтыяҗ булган һөнәр буенча яңадан укыту, шулай ук эшкә урнашканда яки башка төбәккә күченгәндә дәүләт тарафыннан алырга мөмкин булган ярдәм турында мәгълумат алдылар. Теләге булган һәркемгә «Демография» милли проекты буенча укырга гариза бирергә ярдәм иттеләр. Карьера консультантлары чыгарылыш сыйныф укучыларына, студентларга һәм аларның ата – аналарына киләчәктә эшкә урнашу өчен иң перспективалы тармаклар, ә киләчәк һөнәрләрен сайлаган кешеләргә иң кирәкле юнәлешләр турында мәгълумат җиткерде. Шулай ук ярминкәдә «Кече бизнес- зур перспективалар» мәйданчыгы да эшләде. Биредә мәшгульлек хезмәтеннән финанс ярдәме алган яшь эшмәкәрләр катнашты, алар авырлыкларны җиңү тәҗрибәсе һәм уңышлары белән уртаклаштылар. Алар арасында чәчләрне тәрбияләү буенча хезмәт күрсәтүче Татьяна Зиннәтуллина, чәчәк үстерү белән шөгыльләнүче Татьяна Йосыпова да бар. Карьера консультантлары үз эшләрен ачу мөмкинлеге турында сөйләделәр. Вакансияләр белән беррәттән катнашучыларга заманча мәшгульлек хезмәте һәм «Минем карьерам Бердәм Россия белән» федераль проектының барлык мөмкинлекләре дә тәкъдим ителде. 2023 елгы Бөтенроссия эшкә урнашу ярминкәсендә "Бердәм Россия" партиясенең Зәй җирле бүлеге катнашты. Партиянең җирле бүлеге актив гражданлык позициясенең, волонтерлык хәрәкәтендә һәм социаль әһәмиятле проектларда катнашуның кешеләргә югары социаль позицияләргә ирешергә, үзләренең профессиональ статусын үзгәртергә һәм карьера баскычы буенча алга барырга ярдәм итүе турында сөйләде. «Депутатка сорау бир» мәйданчыгында теләге булганнар Зәй шәһәре Советы депутаты Елена Владимировна Недошивинага үз сорауларын бирә алдылар. "Без Бөтенроссия ярминкәсендә катнашуыбызга бик шат. Безгә эш эзләүче кешеләр дә, студентлар да, мәктәп укучылары да килде. Аларны эшкә урнашу перспективасы, каникулларда эшләп алу мөмкинлеге һәм стажировка кызыксындыра. Бу безнең булачак хезмәткәрләребез. Без аларны бик көтәбез», - дип тәэсирләре белән уртаклаша «Зәй шикәре» АҖ кадрлар бүлеге башлыгы Ольга Васильева. "Без эш бирүчеләр белән якынайдык. Безгә кадрлар хезмәткәрләре килде һәм әлеге ярминәне оештырулары өчен рәхмәт белдерделәр. Эш эзләүчеләр килеп, анкеталар тутырдылар, әңгәмәләргә язылдылар» – дип уртаклаша эш бирүчеләр белән аралашу секторының мәшгульлек үзәге белгечләре. Мондый эшкә урнашу ярминкәсе кыска вакыт эчендә берничә эш бирүче белән әңгәмә узу, мәшгульлек хезмәте белгечләре белән аралашу, кызыксындырган сорауларга җавап алу өчен уникаль мөмкинлек. 23 июньгә планлаштырылган Бөтенроссия эшкә урнаштыру ярминкәсенең икенче Федераль этабы да шундый ук уңыш белән узачак дип ышанып калабыз. Федераль этап өчен махсус «Россия эше» порталының аерым бите булдырылачак, анда эш эзләүчеләр ярминкәгә тәкъдим ителгән барлык төбәкләрдән эш бирүчеләрнең иң яхшы тәкъдимнәре белән таныша алачак.