Кошларга ярдәм итү
2023 елның 17 апреле, дүшәмбе
Табигатьне саклау һәм экологик тәрбия булдыру максатыннан һәр елны Сарсаз-Баграж мәктәбе укучылары, әти-әниләре һәм укытучылары белән бергәләп, кошларга җимлекләр, сыерчык оялары ясыйлар. Иске җимлекләрне һәм сыерчык ояларын чистарталар, яңаларын куялар. Аларны өй тирәләрендә һәм мәктәп янында үсеп утыручы агачларга эләләр. Балалар һәр көнне җимлекләргә көнбагыш, төрле орлыклар, ипи валчыклары салалар. Кошларның җимнәрне чүпләгәннәрен читтән күзәтеп карап торалар. Бу балаларда кечкенәдән үк канатлы дусларыбызга карата мәрхәмәтлелек хисләре тәрбияләү чарасы да булып тора.
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз