Зәй делегациясе Ватанны саклаучылар көненә багышланган тантаналы чарада катнашты

Бүген Казанда С. Сәйдәшев исемендәге зур концерт залында Татарстан Республикасы Рәисе Р.Н. Миңнеханов катнашында Ватанны саклаучылар көнен бәйрәм итүгә багышланган тантаналы чара узды. Чарада Зәй районыннан 11 кешедән торган делегация катнашты, алар арасында хәрби комиссар Айрат Әгъләмҗанов, «Юнармия» балалар-яшүсмерләр хәрби-патриотик хәрәкәтенең муниципаль штабы җитәкчесе Александр Ширяев һәм хәрби хәрәкәтләр ветераннары бар иде. Делегацияне социаль яклау бүлеге башлыгы Эльмира Хуҗина озата барды. Җыелучылар алдында сәламләү сүзе белән Татарстан Республикасы Рәисе Рөстәм Миңнеханов чыгыш ясады. Ул республиканың иң лаеклы ир-атларын Ватанны саклаучылар көне белән котлады, барысына да ныклы сәламәтлек, озын гомер һәм тыныч күк йөзе теләде. Кунаклар өчен бәйрәм концерты һәм тантаналы төшке аш оештырылды.