Зәйдә шәһәр төзелеше Советы утырышы узды

Бүген хакимиятнең кече залында район башлыгы Р.Г. Кәримов рәислегендә Зәй муниципаль районының шәһәр төзелеше Советы утырышы узды. Көн тәртибенә 2 мәсьәлә кертелгән иде: ТР, Зәй шәһәре, Ленин урамы, 17 нче йорт адресы буенча урнашкан Р.Ш. Фәрдиев исемендәге Татар гимназиясе бинасын капиталь ремонтлау; «ТР, Зәй районының ябык йөзү бассейны төзелеше" объекты буенча эчке һәм тышкы навигация элементларын, эчке һәм тышкы дизайн элементларын килештерү. Р. Ш. Фәрдиев исемендәге Татар гимназиясе бинасын капиталь ремонтлау буенча "Твой дом" төзелеш компаниясе ҖЧҖ директоры урынбасары - Л.Х. Әгъләмовны тыңладылар. Объектның эчке һәм тышкы дизайн элементларын килештерү, навигация элементларын килештерү мәсьәләсе буенча "ФОРТЭКС" ҖЧҖ вәкиле М.М. Баһаутдинов чыгыш ясады. Йөзү бассейнына исем бирү буенча Зәй ГРЭСы филиалы директоры Д.В. Прохоров сөйләде. Шәһәр төзелеше Советы әгъзалары эшләүчеләрнең тәкъдимнәрен тыңладылар, алга таба проектлаштыру буенча үз фикерләрен белдерделәр, Шәһәр төзелеше Советы утырышына район башлыгы, шәһәр төзелеше Советы рәисе Р.Г. Кәримов йомгак ясады.