Район башлыгы Бөек Ватан сугышы ветеранын Ватанны саклаучылар көне белән котлады

Бүген, Ватанны саклаучылар көне алдыннан, район башлыгы Р.Г. Кәримов Бөек Ватан сугышында катнашучы, Татарстан энергетикасы ветераны, Зәй муниципаль районының Мактаулы гражданины Леонид Яковлевич Мачтаковның өендә булды. Разиф Галиевич ветеранны бәйрәм белән котлады, аңа ныклы сәламәтлек, күңел күтәренкелеге, туганнары һәм якыннары тарафыннан хөрмәт һәм игътибар теләде. Шулай ук ветеранны Зәй ГРЭСы директоры Дмитрий Прохоров, район ветераннар Советы рәисе Алексей Алексеев, хәрби комиссариатның хәрби чакырылыш бүлеге башлыгы Александр Гурьянов һәм яшь артистлар котлады. Леонид Мачтаков 1923 елда ТАССРның Зәй районы Перцовка авылында туган. 1942 елда фронтка алына. Мәскәү оборонасы каршындагы сугышларда, Сталинград, Курск дугасындагы сугышта катнаша. Ике тапкыр яралана, контузия ала. 1953 елда Урал политехник институтын тәмамлый. 1956 елдан Леонид Мачтаковның хезмәт эшчәнлеге Зәй ГРЭСЫ төзелеше белән бәйле. 1999 елдан – Зәй ГРЭСЫ ветераннар Советы рәисе урынбасары. Леонид Яковлевичның хезмәте «Почет Билгесе» ордены, «Татарстанның борынгы энергетигы», «СССРның энергетика һәм электрлаштыру отличнигы» тамгасы белән билгеләнә.