Район башлыгы авыл хуҗалыгы бүлекчәләрендә булды

Бүген Зәй муниципаль районы башлыгы Р.Г. Кәримовның авыл хуҗалыгы идарәсе белгечләре, зоовет белгечләре һәм агрофирмалар белгечләре белән бергә чираттагы сәфәре булды. Эшлекле сәфәр барышында Разиф Гали улы терлекчелектәге эшләр торышы, тракторлар һәм авыл хуҗалыгы машиналары ремонтының барышы, шулай ук җитештерү комплексларында минераль ашламалар саклау шартлары белән танышты. Бүгенге көндә район аграрийлары тарафыннан 1 га чәчүлек мәйданга 94,8 кг дан артык тәэсир итү матдәсе тупланган. Нива, Дурт-Мунча, Куш-Елга, Чыбыклы һәм Баграж сөт комплексларында терлекләрне кышлату барышы тикшерелде. Сәфәр барышында катнашучылар туклану рационы, сусыл концентрацияләнгән һәм аксымлы азык барлыгы, рационнар төрләре буенча әзер азык составы белән таныштылар. Барлык эшләр дә зооветеринария таләпләренә туры китереп алып барыла. Шулай ук район башлыгы Разиф Кәримов агрофирмаларның ремонт остаханәләрендә һәм «Агросила-Сервис» АҖ махсуслаштырылган предприятиеләрендә булды, анда авыл хуҗалыгы техникасын ремонтлау дәвам итә. Тракторларны ремонтлау – 84% тан артык, ә авыл хуҗалыгы машиналарын төзекләндерү-91% башкарылган. Район башлыгы механизаторлар һәм ремонт звенолары алдына барлык агрегатларны һәм тракторларны ремонтлауны 1 апрельгә төгәлләү бурычын куйды. Апрельнең беренче атнасына язгы кыр эшләренә техниканың әзерлеген, хезмәткә түләүне, кыр эшләре вакытында куркынычсызлык техникасы таләпләрен аңлату планлаштырыла. Терлекчеләр алдында тәүлеклек уртача савымны 20 килограммга җиткерү бурычы тора.