Зәйдә киңәйтелгән авыл хуҗалыгы ярминкәсе узды

Гадәттәгечә Зәй халкына авыл хуҗалыгы җитештерүчеләре, фермерлар, шәхси хуҗалыклар продукциясе тәкъдим ителде. Ярминкәләрдә бәяләр базар бәяләреннән түбән, ә продукция табигый, бу шәһәр халкын аеруча җәлеп итә. «Зәй» агросәнәгать паркы, Игошин Т.П., Сироткин В. В. хуҗалыклары сыер ите, Халиков Л.И. һәмТимерханова Г. Р. - тавык ите, Рамазанов Р. Г. һәм Үтяев Р. Р. - бал, Степанов П. П. - ашлык саттылар. Шулай ук халыкка кирәкле башка авыл хуҗалыгы продуктлары да тәкъдим ителде. Бу көннәрдә "Ялта-Зәй" спорт әзерлеге үзәгендә легендар Олимпия чемпионнары һәм башка мактаулы кунаклар катнашында студентлар арасында Бөтенроссия ярышлары уза. Шунысы куанычлы, Зәй ярминкәсендә ярышка килүчеләр дә катнаша алды, район җитәкчелеге белән бергә сәүдә рәтләрен үттеләр, үзләренә кирәкле әйберләрне дә сатып алдылар. Бохарай, Югары Шепкә, Поручик һәм Иске Маврин авыл җирлекләре ярминкәдә катнашучыларны һәм кунакларны кайнар хуш исле чәй, коймак һәм бәлеш белән сыйладылар. Хөрмәтле зәйлеләр! Сезне һәр шимбәдә ярминкәгә көтеп калабыз. Ул 7:00 сәгатьтә башлана.