Зәйдә студентлар арасында бөтенроссия чаңгы ярышлары уза
14 февральдә "Ялта-Зәй" спорт әзерлеге үзәгендә студентлар арасында чаңгы ярышлары буенча бөтенроссия ярышларын ачу тантанасы узды. Ярышларда катнашучылар алдында сәламләү сүзе белән Зәй районы башлыгы Кәримов Разиф Гали улы, Россия чаңгы ярышлары федерациясе президенты, өч тапкыр олимпия чемпионы, ундүрт тапкыр дөнья чемпионы, биш тапкыр дөнья Кубогы җиңүчесе Вяльбе Елена Валерьевна, Татарстан Республикасы спорт министрының беренче урынбасары Шәйхетдинов Хәлил Хәмит улы, СССРның атказанган спорт мастеры, Россиянең атказанган тренеры, дүрт тапкыр олимпия чемпионы, 1984 елгы Олимпия уеннарының көмеш призеры, 8 тапкыр СССР чемпионы, "Чаңгы патшасы" Николай Семенович Зимятов чыгыш ясады. Ярышларны ачу тантанасында шулай ук Россия чаңгы узышлары федерациясе президиумы әгъзасы, Зәй районының Мактаулы гражданины Галиев Эдуард Шәйхнур улы, Татарстан Республикасы чаңгы ярышлары Федерациясенең эшләр идарәчесе Блохин Денис Анатольевич, СССРның атказанган спорт мастеры, Россиянең атказанган тренеры, өч тапкыр Кышкы Олимпия уеннары призеры, дөнья чемпионы Завьялов Александр Александрович, Россиянең атказанган тренеры, Россиянең Бөтендөнья универсиадаларындагы даими вәкиле Шлыкова Галина Андреевна, чаңгы ярышлары буенча дөнья, Европа, СССР һәм Россия чемпионы Иванов Анатолий Михайлович, Зәй муниципаль районы башкарма комитеты җитәкчесе Галиев Эмиль Эдуардович, Красноярск крае чаңгы ярышлары федерациясе президенты Жгун Олег Ильич, Россия чаңгы узышлары федерациясе президиумы әгъзасы, Чиләбе өлкәсе «Чаңгы ярышлары Федерациясе» спорт иҗтимагый оешмасы президенты, Урал Олимпия академиясе Вице-президенты Логинов Виктор Виктор улы, «Челтәр компания»се АҖ филиалы «Әлмәт электр челтәрләре» ААҖ директоры Сергей Владимирович Огурцов, «Челтәр компания»се АҖ филиалы Түбән Кама электр челтәрләре директоры Галимов Алмаз Ибраһим улы катнашты. Ярышларда катнашу өчен илнең 31 югары уку йортлары командасы составында 188 спортчы килде. Идел буе дәүләт физик культура, спорт һәм туризм университеты командасы өчен, Татарстан Республикасы җыелма командасы һәм олимпия чемпионы Ф. П. Симашев исемендәге спорт мәктәбе спортчылары Христина Мацокина, Полина Лобастова чыгыш ясый. Студентлар арасында чаңгы ярышлары «Демография» милли проектының «Спорт – тормыш нормасы» федераль проекты кысаларында үткәрелә.