Зәй районыннан яшь фермерның уңыш тарихы
Узган ел «Кече һәм урта эшмәкәрлек» илкүләм проекты кысаларында үз эшен үстерүгә бер тапкыр бирелә торган финанс ярдәмен Зәй шәһәренең халыкны эш белән тәэмин итү үзәге ярдәме белән 10 эшсез граждан алган. Аларның берсе-Артур Васильев. «Узган ел эшсез калгач, мин мәшгульлек үзәгенә мөрәҗәгать иттем. Белгечләр миңа финанс ярдәме алып, үз эшеңне ачу мөмкинлеген әйттеләр. Барысы турында уйланып, үземне авыл хуҗалыгында сынап карарга булдым, чөнки әти-әнием авылда яши һәм минем тәҗрибәм бар. Сарык асрау, авыл хуҗалыгы өлкәсендә перспективалы юнәлеш, дип саныйм. Бәрәнгә ихтыяҗ зур. Шулай итеп, сарыклар үстерү һәм үрчетү белән шөгыльләнергә карар кылынды», - дип уртаклашты Артур. Үз эшен үстерүгә алынган финанс чараларына яшь фермер 50 баш сарык сатып алган. Артур Васильев-перспективалы егет, аның идеяләре һәм планнары күп, һәм ул ирешелгәннәрдә тукталырга җыенмый. «Кече һәм урта эшкуарлык» илкүләм проекты кысаларында бер тапкыр бирелә торган финанс ярдәме - шәхси һәм профессиональ потенциалга ия булган актив кешеләргә үз бизнесларын ачу теләген тормышка ашыру мөмкинлеге бирәчәк.