«Шатлык» үзәгендә музей дәресләре оештырылды

«Шатлык» халыкка социаль хезмәт күрсәтү Зәй комплекслы үзәге базасында эшләп килүче «Пульс» актив пенсионерлар клубында актив озын гомер принциплары «Демография» милли проектының «Өлкән буын» федераль проекты кысаларында гамәлгә ашырыла. 2023 елның 3 февралендәге очрашу, гадәттәгечә, сәламәтләндерү гимнастикасыннан башланды. Аны һәр шөгыль башында үткәрү мәҗбүри, ул үз эченә разминка, аэробика элементлары, сулыш гимнастикасы һәм күзләр өчен гимнастиканы ала. Физик культура белән системалы шөгыльләнү нәтиҗәсендә клубка йөрүчеләр рух күтәренкелеге һәм зиһен ачыклыгын саклап кала ала. Дәреснең икенче өлешенә кунакка Зәй туган якны өйрәнү музееның фәнни хезмәткәре Людмила Михайловна Симонова килде. Ул Зәй шәһәре тарихына багышланган музей дәресе үткәрде. Людмила Михайловна чыгышын фотографияләр һәм тарихи документлар демонстрациясе белән алып барды. Лекция тәмамлангач, тыңлаучылар сораулар бирделәр. Туган шәһәр тарихын тагын да тулырак өйрәнү өчен музей дәресләрен дәвам итәргә карар кылынды. Аларга әйләнә-тирәдәге хәлләр белән кызыксыну хас. Ә күп белергә теләү, билгеле булганча, актив озак яшәүнең мөһим шарты булып тора, ул өлкән яшьтәге кешенең потенциалын гамәлгә ашыруга ярдәм итә. Ә бу үз чиратында гомер озынлыгы артуга китерә.