Зәйдә армреслинг буенча Дмитрий Милочкин истәлегенә багышланган чемпионат узды

1 февральдә «Старт» спорт-савыктыру комплексы базасында «Форпост» җәмәгать тәртибен саклау оешмасы мәктәп һәм студентлар формированиеләре арасында армреслинг буенча Дмитрий Фёдорович Милочкин истәлегенә багышланган чемпионат узды. Ярышларда 7 команда катнашты: 1 нче мәктәп, 2 нче мәктәп, 4 нче мәктәп, 7 нче мәктәп, Р.Ш. Фәрдиев исемендәге татар гимназиясе, Зәй политехника көллияте һәм Сәвәләй мәктәбе. Катнашучыларга сәламләү сүзе белән Зәй «Форпост» үзәге директоры Елена Куприянова, «Боевое Братство» бөтенроссия иҗтимагый оешмасының Зәй бүлекчәсе җитәкчесе Сергей Хватков, Зәй муниципаль районының ветераннар (пенсионерлар) советы рәисе Алексей Алексеев мөрәҗәгать итте. Команда урыннары түбәндәгечә бүлеште: 1 урынга 7 нче мәктәп командасы чыкты; 2 урынны Зәй политехника көллияте командасы белән 2 нче мәктәп командасы; 3 урынны 4 нче мәктәп командасы белән Сәвәләй урта мәктәбе командасы бүлештеләр. Чара мавыктыргыч, эмоциональ үтте, егетләр чын осталар кебек көрәште!