Зәйдә мәгариф хезмәткәрләре чаңгыда чабу буенча ГТО нормативын тапшырдылар

Яңа ел каникуллары көннәрендә Зәй районы мәктәпкәчә һәм гомуми белем бирү учреждениеләре хезмәткәрләре чаңгыда чабу буенча «ГТО» нормативын тапшыруда катнаштылар. «ГТО» Бөтенроссия физкультура-спорт комплексын таныту «Демография» милли проектының бер өлеше булып тора. Чаңгыда чабу - ГТОның кышын гына тапшырып була торган бердәнбер нормативы. Сынау мәҗбүри исемлеккә керми, ул сайлау буенча бирелә. 100 дән артык катнашучы чаңгыга басты. Аларга үз яшь төркемнәре буенча дистанция үтәргә туры килде. Зәйнең 9нчы мәктәбе хезмәткә өйрәтү укытучысы Тулынин Борис Иванович үзенең хис-кичерешләре белән уртаклашты: «Бу чара ярдәмендә мин кабат чаңгыга бастым һәм 2 км йөгердем. Мондый чараларның ешрак үткәрелүен теләр идем, чөнки спорт гомерне озайта. Юкка гына «Сәламәт тәндә - сәламәт рух», - димиләр. Катнашучыларның нәтиҗәләре «ГТО» комплексының дәүләт таләпләре нигезендә билгеләнде. Чарада катнашучылар сертификатлар белән бүләкләнде. Бу төр сынауларның максаты-төрле яшьтәге халыкны сәламәтлекне ныгытучы нәтиҗәле актив ялга җәлеп итү.