Зәйдә Дмитрий Милочкин гаиләсенә Батырлык ордены тапшырылды

Бүген Зәй муниципаль районы башлыгы Р.Г. Кәримов Дмитрий Милочкин гаиләсенә Батырлык ордены - хәрби бурычны үтәгәндә күрсәтелгән батырлык һәм фидакарьлек өчен Дәүләт бүләге тапшырды. Дмитрий Федоровичның гомере махсус хәрби операция вакытында хәрби бурычын үтәгәндә өзелде. Бүләкне тапшыру тантанасында Дмитрийның әти-әнисе һәм туганнары, ветераннар Советы, район активы, сугыш хәрәкәтләрендә катнашучылар һәм яшьармиячеләр катнашты. «Безнең солдатлар, махсус хәрби операциядә катнашып, ирекне, хөрмәтне һәм Россиянең абруен кайвакыт үз тормышлары бәрабәренә яклыйлар. Аларның һәркайсы Ватан герое булып тора инде. Без аларның һәрберсенә иң югары хөрмәт күрсәтәбез һәм геройларыбызның батырлыгын һәрвакыт истә тотачакбыз. Дмитрий Милочкин батырлыгы бездә нәкъ шундый хисләр уята. Илдә мондый кыю сугышчылар булганда, без җиңүебезгә ышана алабыз. Аның турында якты истәлек йөрәкләребездә мәңге сакланачак», - диде үзенең чарада катнашучыларга мөрәҗәгатендә Разиф Кәримов.