Зәйдә «Россия ел укытучысы» конкурсының муниципаль этабы башланды

Иҗади эшләүче педагогларны ачыклау, аларга ярдәм итү һәм бүләкләү, укытучыларның хезмәт дәрәҗәсен күтәрү, Зәй муниципаль районының иң яхшы укытучыларының педагогик тәҗрибәсен тарату максатыннан 13 декабрьдә Татарстан Республикасында «Россия Ел укытучысы» Бөтенроссия конкурсының муниципаль этабы старт алды. 4нче мәктәп базасында укытучылар «Ел укытучысы» һәм «Педагогик дебют» номинацияләрендә ачык дәресләр һәм тәрбия чаралары үткәрәләр. Конкурсантлар дәресне үткәрү һәм анализлау өлкәсендә һөнәри компетенцияләрне, шулай ук дәрестән тыш чара оештыру һәм уздыру өлкәсендәге компетенцияләрне күрсәтәләр. Йомгаклар буенча иң яхшы педагоглар икенче турга узачак, анда ике конкурс сынавы: «Мастер-класс» һәм «Ел укытучысына сорау» булачак.