Зәйдә ТР Дәүләт Советы депутаты халыкны кабул итте

Бүген Зәй җирле «Бердәм РОССИЯ» партиясенең кабул итү бүлмәсендә социаль мәсьәләләр буенча гражданнарны кабул итү булды. Зәйлеләрне VI чакырылыш Татарстан Республикасы Дәүләт Советы депутаты Николай Нефедов Зәй муниципаль районы башлыгы урынбасары Петр Уразайкин белән берлектә кабул итте. Депутатка Зәй шәһәрендә йортсыз хайваннар өчен приют булдыру, халыкка белешмәләр бирү буенча җирле үзидарә органнары вәкаләтләре буенча мәсьәләне хәл итүдә ярдәм күрсәтү, «Новый Зай», «Зәй офыклары» район газеталарына язылу һәм башка мөһим мәсьәләләр белән мөрәҗәгать иттеләр. Николай Валерьевич барлык мөрәҗәгать итүчеләрне игътибар белән тыңлады, кирәкле консультацияләр үткәрде һәм тиешле аңлатмалар бирде.