Зәй командасы-ТР муниципаль хезмәткәрләре Спартакиадасында дүртенче

Зәй муниципаль районы командасы, республиканың 12 шәһәре һәм районы арасында Әлмәт, Азнакай районнары һәм Казан шәһәре командаларыннан гына калышып, ТР муниципаль хезмәткәрләре Спартакиадасында үз төркемендә дүртенче урынны алды. Программага барлыгы 10 спорт төре кертелгән иде, шулардан: чаңгы спорты буенча ярышларда безнең команда икенче урынны яулады, шулай ук бадминтон, җиңел атлетика, йөзү, шахмат һәм волейбол буенча яхшы нәтиҗәләр күрсәттеләр. Алга таба муниципаль хезмәткәрләр арасында спорт һәм физик культура белән шөгыльләнүгә, сәламәт яшәү рәвешен пропагандалауга тагын да күбрәк игътибар биреләчәк. 2023 ел башында чаңгы ярышлары үткәрү һәм ГТО нормаларын тапшыру планлаштырыла.