«Хокук белеме» иленә сәяхәт

Бүген С. Рәфыйков исемендәге Үзәк китапханәдә Халыкара кеше хокукларын яклау көненә багышланган «Правознайка» иленә сәяхәт» дигән танып белү уены уздырылды. Китапханәче балаларны кеше хокуклары, халыкара-хокукый документларның барлыкка килү тарихы һәм төп нигезләмәләре белән таныштырды. Укучылар хокук бозу очракларын һәм яклау ысулларын карадылар. «Закон безгә ярдәмгә килә» дигән танып белү уенында катнашу аларга тагын да күбрәк белергә һәм алган белемнәрен ныгытырга ярдәм итте. Чара ахырында «Кеше хокуклары тарихы» дип исемләнгән видеоролик күрсәтелде.