Район башлыгы Татарстанның төзелеш тармагына 100 ел тулуга багышланган чараларда катнашты

Бүген район башлыгы Р.Г. Кәримов «Казан Экспо» күргәзмә үзәге мәйданчыгында Татарстан Машина төзелеше форумы кысаларында узган чараларда катнашты. Форумны ачу тантанасында Татарстан Республикасы Президенты Рөстәм Миңнеханов, Донецк Халык Республикасы башлыгы вазыйфаларын вакытлыча башкаручы Денис Пушилин, Казан Мэры Илсур Метшин, Россия Хәрби-сәнәгать комиссиясе коллегиясе әгъзасы Вячеслав Шпорт һәм башкалар катнаштылар. Форумның эшлекле программасы фәнни-техник потенциалны, импортны алмаштыруны үстерү бурычларын хәл итүгә юнәлдерелгән иде, машина төзелеше өлкәсендә технологияләрне һәм инфраструктураны эшләү мәсьәләләре буенча фикер алыштылар. Түгәрәк өстәлләр, семинарлар һәм очрашуларның төп темалары-машина төзелешендә алдынгы технологияләр һәм чишелешләр, импортны алыштыруда өстәмә технологияләр роле, сәнәгать кластерларын цифрлаштыру, үстерү, федераль һәм региональ ярдәм чаралары булды. Шулай ук Разиф Гали улы «Казан Экспо» халыкара күргәзмәләр үзәге мәйданчыгында ТРсы Төзелеш, архитектура һәм ТКХ министрлыгының Татарстанның төзелеш тармагына 100 ел тулуга багышланган йомгаклау коллегиясе эшендә катнашты. Биредә чарада катнашучыларны Татарстан Республикасы Президенты Рөстәм Миңнеханов котлады, ул республиканың көчле төзелеш комплексы булуын һәм тармакның 100 еллыгын яхшы нәтиҗәләр белән каршы алуын билгеләп үтте.