Зәйлеләр Татарстан Республикасы муниципаль хезмәткәрләре Спартакиадасында

Бүген Зәйнең район башлыгы урынбасары П.С. Уразайкин җитәкчелегендәге командасы Казан шәһәрендә Татарстан Республикасы муниципаль хезмәткәрләре Спартакиадасында катнаша. Петр Уразайкин, Илнар Хәбибуллин, Гүзәл Шәрәфиева, Ольга Крутовских составындагы дүрт кешедән торган команда җиңел атлетика –4 кә 100 метрга эстафетада йөгерү буенча ярышларда үз төркемендә бишенче урынны яулады. Шулай ук бүген безнең хезмәткәрләр шахмат, бадминтон, йөзү ярышларында катнаша. Аларга лаеклы чыгыш телибез!