Зәй укучылары - «Минем шәҗәрәм» республика бәйгесе призерлары

1 декабрьдә Казанда Татарстан Республикасы Архив эше буенча дәүләт комитеты оештырган конкурсларда җиңүчеләрне бүләкләү тантанасы узды. Зәйдән «Минем шәҗәрәм» генеалогия бәйгесенең призерлары исемен 2нче мәктәп укучысы Красильников Даниил ("Гаилә альбомын караганда" иҗади эше) һәм 4нче мәктәп укучысы Ломагин Сергей ("Тугрылык энергиясе: традицияләрнең дәвамчанлыгы" иҗади эше) яулады. Катнашучыларга сәламләү сүзе белән Татарстан Республикасы Архив эше буенча дәүләт комитеты рәисе Гөлнара Габдрахманова чыгыш ясады. Габдулла Кариев исемендәге Казан Татар дәүләт яшь тамашачы театрында узган бүләкләү тантанасында Зәй муниципаль районы Башкарма комитеты җитәкчесе Эмиль Галиев, архив бүлеге башлыгы Елена Куликова катнашты. Конкурсларда җиңүчеләр һәм призерлар диплом һәм кыйммәтле призлар белән бүләкләнде.