Район башлыгы Р. Г.Кәримов Дмитрий Милочкинның әнисе белән очрашты

Бүген, әниләр көне алдыннан, район башлыгы Р. Г.Кәримов Луган Халык Республикасы территориясендә хәрби бурычын үтәү барышында һәлак булган Дмитрий Милочкинның әнисе белән очрашты. Разиф Гали улы Людмила Михайловна белән аралашты, аны Әниләр көне белән котлады, сәламәтлек һәм түземлек теләде, геройны тәрбияләгән өчен рәхмәт белдерде һәм Дмитрий Федоровичның тормыштан иртә китүе уңаеннан тагын бер тапкыр авыр кайгысын уртаклашты.