Киләчәккә - коррупциясез!

16 ноябрь көнне “Форпост” яшьләр хәрәкәте хезмәткәрләре 6 нчы мәктәп укучылары өчен “Киләчәккә - коррупциясез” дип исемләнгән чара үткәрделәр. Хәзерге вакытта коррупция белән көрәшергә мәктәптән үк өйрәнергә кирәк. Балаларда гаделлек һәм намус тәрбияләү - барыбызның да бурычы. Без бит төп белемнәрне һәм тормыш турындагы төшенчәләрне нәкъ менә мәктәптән алып чыгабыз. Нәкъ менә мәктәптә балалар яшәргә өйрәнә. Аларга бары тик дөрес юнәлеш бирергә генә кирәк. Балаларга коррупциянең нәрсә икәне, коррупция җинаятьләре төшенчәсенә нинди гамәлләр эләгүе һәм алар өчен каралган җаваплылык турында сөйләделәр. Коррупция юнәлешендәге җинаятьләрнең яшерен характерда булуына игътибар иттеләр, шуңа күрә алар белән көрәшү өчен, беренче чиратта, җәмәгатьчелек ярдәме һәм гражданнарның аңлы булуы кирәк.