"Китап аша тынычлыкка һәм татулыкка» танып-белү сәгате

Ел саен 16 ноябрьдә бөтен дөньяда Халыкара толерантлык көне билгеләп үтелә. Нинди илдә яшәвебезгә, тән төсебез нинди булуына, нинди дин тотуыбызга карамастан, дөньяда үзара аңлашу һәм бер-беребезгә карата игелекле мөнәсәбәт хөкем сөрергә тиеш. “Башка кешеләрне хөрмәт итеп, без иң элек үзебезне хөрмәт итәбез". Бүген Үзәк китапханәдә 3нче урта мәктәпнең 10нчы сыйныф укучылары өчен "Китап аша тынычлыкка һәм татулыкка» дигән танып -белү сәгате узды. Чараның төп бурычы - «толерантлык» төшенчәсе белән танышу, төп үзенчәлекләрен ачыклау, толерантлык турында дөрес фикер формалаштыру иде. Чара видеороликлар һәм сурәтләр белән үрелеп барды. Балалар толерантлык турындагы мәсьәләләр буенча фикер алышуда актив катнаштылар, табышмаклар, мәкальләр чиштеләр. «Тату гаилә» дип аталган гыйбрәтле кытай хикәясен тыңладылар. Чара ахырында катнашучылар кечкенә тест үтеп, никадәр толерант булуларын тикшерә алдылар.