Район башлыгы җаваплы хезмәт оешмаларының кышкы чорга әзерлеге белән танышты
Бүген район башлыгы Р.Г.Кәримов эш визиты белән кышкы чорда юлларны һәм тротуарларны карап тору өчен җаваплы булган оешмаларда булды. Зәй автомобиль юллары идарәсендә әзерлек турында идарә башлыгы Ф.Р. Хәернасов сөйләде. Идарәдә 128 кеше эшли. Кар чистарту техникасы автопаркы 25 берәмлектән тора. Быел К -700 тракторына капиталь ремонт ясалды, Урал ротор да алынды, ул машиналар йөрүче урыннан кар өемнәрен чыгару өчен билгеләнгән. Предприятиедә тәүлек буе кизү тору оештырылган, ике "Юл мастеры" ГАЗеле автомобиле эшчеләрне йөртү өчен хезмәт итә. Разиф Галиевич, үз чиратында, коллективка төзелеш сезонын уңышлы тәмамлаганнары өчен рәхмәт белдерде, кышкы чорда район юлларында тоткарлыксыз транспорт хәрәкәтен тәэмин итү эшендә уңышлар теләде. «БлагоСтрой» ҖЧҖдә кышкы сезонга әзерлек турында директор Р.Р. Зәйнуллин сөйләде. Коллективта 26 кеше эшли, автопарк 13 махсус техникадан тора, техник план буенча 120 кубометр ком, 40 тонна тоз әзерләнгән. - Шәһәр юллары һәм тротуарларның торышы сезнең эшегезгә турыдан-туры бәйле булачак, ә бу тормыш тәэмин итү хезмәтләре эшендә дә, пассажирлар йөртүдә дә, гомумән шәһәр тормышында чагылыш табачак, - диде Разиф Гали улы, коллективны үз вазыйфаларына җаваплы карарга чакырып.