«Демография» милли проектын гамәлгә ашыру кысаларында көндезге бүлек- озак вакыт хезмәт күрсәтү системасының бер өлеше

2019 елдан Татарстан Республикасында «Демография» милли проектының «Өлкән буын» федераль проектын үтәү кысаларында өлкән яшьтәге гражданнар һәм инвалидларны озак вакыт тәрбияләү системасын булдыру буенча пилот проект гамәлгә ашырыла. Көндезге бүлекнең ачылуы әлеге системаның бер өлешенә әйләнде, ул инде елдан артык Зәй муниципаль районының «Радость» халыкка социаль хезмәт күрсәтү комплекслы үзәге базасында эшли. Бүлек эшчәнлегенең төп максаты - социаль хезмәтләрдән файдаланучыларның тормыш сыйфатын яхшырту, аларда когнитив функцияләрне саклап калу, көндәлек тормышта мөмкин булган максималь көнкүреш һәм социаль мөстәкыйльлекне саклап калу. Максатчан төркем - өлкәннәр һәм хәтер начараю, акыл эшчәнлеге кимү, фикерләү тайпылышы билгеләре булган 18 яшьтән өлкәнрәк инвалидлар. Хезмәтләр күрсәткәндә яшь, физик һәм психологик үзенчәлекләр исәпкә алына. Бүлектә дәресләр көн саен, 4 сәгатькә кадәр үткәрелә. Социаль хезмәт күрсәтү кысаларында социаль - медицина, социаль - психологик, социаль - педагогик, социаль - көнкүреш хезмәтләрен күрсәтүче индивидуаль программа төзелә. Башкарылган эш нәтиҗәләре күзгә күренеп тора - даими рәвештә бүлектә тәрбияләнүчеләр төрле дәрәҗәдәге конкурсларда катнашалар һәм призерлар булалар. Конкурсларда җиңү - ул уңышлы тернәкләндерүнең аз өлеше генә. Үз-үзеңне җиңүдән дә мөһимрәк нәрсә юк. Һәм социаль хезмәт алучылар моны көн саен раслый. Алар бер-берсе һәм социум белән үзара хезмәттәшлек итәргә, үзләренә хезмәт күрсәтү күнекмәләренә өйрәнәләр. Яңа күнекмә, яңа казаныш, яңа сүз - ул инде җиңү. Ата-аналар һәм опекуннар билгеләп үткәнчә, аларның тәрбияләнүчеләре социумда актив була бара, гигиена, аралашу, эмоциональ сәламәтлек күнекмәләрен үзләштерүдә уңай нәтиҗәләр күзәтелә. Шунысын да билгеләп үтәргә кирәк, бүлекчәләр эшчәнлеге социаль хезмәтләрне алучыларның үзләренә генә түгел, аларның туганнарына да уңай йогынты ясый. Чөнки алар өчен вакытны үз мәнфәгатьләренә багышлау, шулай ук өлешчә мәшгульлек белән эшкә урнашу өчен менә дигән мөмкинлек. Уздырыла торган диагностика, коррекция дәресләре, комплекстагы чаралар нәтиҗәләре, шулай ук ата-аналарның һәм опекуннарның бәяләмәләре Зәй муниципаль районы территориясендә дә, Татарстан Республикасының бөтен территориясендә дә мондый бүлекләрнең эшчәнлеген үстерүнең мөһимлеген һәм кирәклеген күрсәтә һәм раслый.