«Татарстан Республикасы Хатын-кыз исемнәре: тарих һәм хәзерге заман»

Бүген, «Татарстан Республикасы Хатын-кыз исемнәре: тарих һәм хәзерге заман» рубрикасында Зәй балалар музыка мәктәбенең теоретик бүлеген формалаштыруның нигез башында торган кеше – Рәхмәтуллина Алсу Нурулла кызы турында сөйләргә телибез. Педагогик хезмәт юлын 1971 елда башлаган Алсу Нурулла кызы озак вакытлар мәктәптә үз профиле буенча бердәнбер белгеч була. Аның эше һәрвакыт талант, бетмәс энергия һәм фантазия очышы белән билгеләнә. Заманча укытучыга уку процессын төрлеләндерә алырлык техник чаралар булмаганда, Алсу Нурулла кызы балаларны сольфеджиога һәм музыкаль әдәбиятка җәлеп итү өчен барысын да эшли: музыка уен коралларында уйный, җырлый, музыкаль-театр спектакльләре оештыра. Хәзерге вакытта музыка мәктәбендә эшләүче укытучыларның күбесе Алсу Нурулла кызында укыганнар һәм аның педагогик традицияләрен лаеклы дәвам итүчеләр булып торалар. Хәзерге вакытта Алсу Нурулла кызы лаеклы ялда, әмма элеккечә үк педагогик коллективның актив әгъзасы булып тора: концертларда, музыкаль кичәләрдә һәм бәйрәмнәрдә катнаша. Музыка һәрвакыт аның йөрәгендә бит!