"Демография" милли проекты кысаларында бушлай уку

"Демография" милли проекты кысаларында бушлай уку 2021 елдан «Россия эше» Гомумроссия порталында "Демография" милли проектының "Мәшгульлеккә ярдәм итү" федераль проекты кысаларында гражданнарны укыту" программасы тормышка ашырыла. Программаның максаты-хезмәт базарында көндәшлеккә сәләтлелекне һәм һөнәри мобильлекне тәэмин итүче булган белемнәрне, компетенцияләрне һәм күнекмәләрне алу яки үстерү өчен һөнәри белем, өстәмә һөнәри белем оештыру юлы белән аерым категория гражданнарны эш белән тәэмин итүгә булышу. Түләүсез укуны аерым категория гражданнар уза ала, категорияләр исемлеге белән «Россия эше» бердәм санлы платформасында танышырга мөмкин. (trudvsem.ru). Белем бирү программалары исемлеге техник программалардан алып педагогик һәм идарә итү программаларына кадәр. Зәй районында яшәүчеләр укуга гаризаларны актив рәвештә җибәрәләр. Агымдагы елның 01 октябренә 80 гариза хупланган, 53 граждан (20 кеше – өч яшькә кадәрге баланы карау буенча ялдагы хатын – кызлар; 11 кеше – мәктәпкәчә яшьтәге балалары булган, хезмәт мөнәсәбәтләрендә тормаган хатын – кызлар; 18 кеше – 50+ һәм аннан өлкәнрәкләр; 1 кеше-эштән азат ителүчеләр исемлегендә торучы ; 3 кеше-35 яшькә кадәрге яшьләр) укырга җибәрелгән. Укыту «Логопедия», «Таргетолог һәм SMM-белгеч», «Маркетплейс менеджеры», «Дәүләт һәм муниципаль ихтыяҗларны тәэмин итү өчен товарлар, эшләр, хезмәт күрсәтүләрне сатып алу өлкәсендә контракт идарәчесе», «Оешма персоналы белән идарә итү һәм менеджмент», «Цифрлы җәмгыятьтә юристның һөнәри эшчәнлеге», «Wildberries, Ozon маркетплейслар белән эшләү менеджеры» белем бирү программалары буенча оештырылган «Яндекс Маркет», «Пешекче» һ. б. Укуны тәмамлаучылар үз тәҗрибәләре белән бик теләп уртаклашалар. Шуларның берсе - балалар бакчасы тәрбиячесе Ирина Николаевна Дубинина: «Мин һәм минем хезмәттәшләрем күптәннән «Логопедия» программасы буенча белем алырга уйлаган идек. Тик укып булмады: уку өчен башка шәһәргә чыгып китәргә кирәк иде һәм ул түләүле иде. Социаль челтәрләрдән мин «Демография» илкүләм проекты кысаларында түләүсез белем алу мөмкинлеге турында белдем. Зәй шәһәре халыкны эш белән тәэмин итү үзәге белгечләре безгә хезмәттәшләребез белән бушлай белем алуга дәгъва итә алган категорияләрне ачыкларга булыштылар. Белем бирүнең дистанцион формасы булган «Логопедик эшчәнлек» белем бирү программасын сайлап алдылар. Өйрәнү безгә бик ошады! Укыту белем бирү платформасында алып барылды, барысы да аңлаешлы, өзеклекләр булмады. Уку тәмамлангач, мин һәм хезмәттәшләрем һөнәри әзерлек турында дипломнар алдык. «Демография» илкүләм проекты ярдәмендә безнең балалар бакчасы квалификацияле педагог-дефектологлар белән тулыланды. Хәзер биредә логопед төркемен ачу турындагы уйларыбыз тормышка ашарга мөмкин. «Демография» илкүләм проекты ярдәмендә белем алган гражданнар үз шәхси эшләрен ача яки яңа белгечлекләр үзләштереп яки квалификацияләргә ия була алдылар һәм аларның һөнәри баскыч буенча күтәрелү мөмкинлекләре артты.