«Ак таяк»

19 октябрьдә «Космос» кинотеатрында «Тигез мөмкинлекләр кинозалы» проектын гамәлгә ашыру кысаларында, ел саен 15 октябрьдә бөтен дөнья буенча билгеләп үтелә торган Халыкара Ак таяк көненә багышланган очрашу узды. Бу- сукырлар һәм начар күрүче кешеләргә карата хөрмәт, ярдәм һәм мәрхәмәтлелек көне, физик мөмкинлекләре чикләнгән кешеләр, ярдәм һәм алар белән бердәмлек турында җәмгыятькә искәртүче үзенчәлекле билге. 2021 елда «Татнефть» җәмгыятенең «Тигез мөмкинлекләр кинозалы» проектын хуплавы нәтиҗәсендә кинотеатрда махсус җиһазлар ярдәмендә начар күрүче кешеләр өчен фильмнар күрсәтү мөмкинлеге ачылды. Чара башында кунакларны сукырлар җәмгыяте рәисе М.Ф. Костюченко сәламләде, ул ялны төрләндерү, кино дөньясыннан ләззәт алу мөмкинлеге тудырган өчен рәхмәт белдерде. Кунаклар өчен төп бүләк итеп режиссер Карен Шахназаровның «СССР да мәхәббәт» тифлокомментарияле фильмы күрсәтелде.