Район мәгариф оешмаларында патриотик юнәлештәге конкурсларга старт бирелде

Бүген район мәгариф оешмаларында РФ һәм ТР гимннарын, шулай ук «Бөек Җиңүнең яшь геройлары» театр спектакльләрен башкару буенча конкурслар старт алды. Бәйгеләрнең максаты-үсеп килүче буынга патриотик һәм гражданлык тәрбиясе бирү, укучыларда Бөек Ватан сугышы геройларының батырлыкларын өйрәнү белән кызыксынуны арттыру. Жюри әгъзалары Кадер, Түбән Биш һәм Бигеш авыл мәктәпләре укучыларының чыгышларын бәяләде инде. Конкурс 25 октябрьгә кадәр дәвам итәчәк, иң яхшы коллективлар дипломнар һәм истәлекле призлар белән бүләкләнәчәк.