Социаль куркыныч хәлдә булганнарны исәпкә алу мәгълүмати системасында эшләү буенча укыту үтте

18 октябрьдә Зәй районы «Шатлык» халыкны социаль тәэмин итү комплекслы үзәгенең гаиләгә һәм балаларга социаль ярдәм бүлекчәсе белгечләре тарафыннан «Татарстан Республикасында социаль куркыныч хәлдә булган гаиләләрне һәм балигъ булмаганнарны исәпкә алу һәм мониторинглау» мәгълүмати системасында эшләү буенча чираттагы укыту семинар – практикумы оештырылды. Уку мәйданчыгы булып янә социаль участок, аерым фәннәрне тирәнтен өйрәнүче 7нче урта гомуми белем бирү мәктәбе сайланды. Семинарда «мәгълүмат системасына кертелә торган мәгълүматлар»өчен җаваплы кешеләр, профилактика системасы субъектлары, учреждение һәм ведомство белгечләре, муниципаль социаль тернәкләндерү консилиумы әгъзалары катнашты. Муниципаль социаль тернәкләндерү консилиумы сәркатибе чираттагы мәртәбә семинарда катнашучыларга социаль куркыныч хәлдәге гаиләләр һәм балалар белән эшләүдә ведомствоара хезмәттәшлекнең төп норматив-хокукый нигезләре, балигъ булмаганнарның күзәтүчесезлеген һәм хокук бозуларын профилактикалау системасы субъектлары эшчәнлеге алгоритмнары турында, "Социаль куркыныч хәлдә булган балигъ булмаганнар һәм аларның гаиләләре турында Татарстан Республикасының бердәм мәгълүмат банкын формалаштыру хакында"гы Татарстан Республикасы Министрлар Кабинетының 2010 елның 22 апрелендәге №294 номерлы карарын үтәү кысаларында ведомствоара хезмәттәшлек регламенты турында искә төшерде. Катнашучыларның игътибары ведомствоара учетта торучы балаларның караучысыз калуына бәйле булган төп факторларга юнәлтелде. Очрашу барышында системада профилактика субъектлары вәкилләре эшендәге гадәти булган җитешсезлекләр һәм кимчелекләр әйтелде, аларны бетерү буенча киңәшләр бирелде. Семинар ахырында катнашучыларны социаль куркыныч хәлдә булган гаиләләрне ачыклау буенча мәгълүмат системасында эшне тагын да активлаштырырга һәм аларны тернәкләндерү буенча эшне 100% ка башкарырга чакырдылар.