Зәйдә кызлар арасында волейбол буенча Татарстан Республикасы беренчелеге уза

13 нче октябрьдән 16 нчы октябрьгә кадәр Зәй шәһәренең «Старт» спорт-сәламәтләндерү комплексында 2008-2009 елгы кызлар арасында волейбол буенча Татарстан Республикасы беренчелеге, «Б» төркеме уза. Анда физик культура, спорт һәм туризм идарәсе башлыгы Ашапов Илфат Зиннур улы, Россия чаңгы ярышлары федерациясе президиумы әгъзасы, мәгариф, мәдәният, спорт, сәламәтлек саклау һәм милли мәсьәләләр буенча район Советының даими комиссиясе рәисе Галиев Эдуард Шәйхнур улы катнашты. Ярышларда Татарстан Республикасы муниципаль районнарыннан 15 команда катнаша, алар дүрт көн дәвамында җиңү өчен көрәшәчәк. Ярышлар Татарстан Республикасында волейболны үстерү һәм популярлаштыру, спортчыларның спорт осталыгы дәрәҗәсен күтәрү, спорт резервын әзерләү һәм Татарстан Республикасы җыелма командаларына кандидатлар исемлеген формалаштыру өчен иң көчле спортчыларны ачыклау максатыннан үткәрелә.