Зәйдә яшүсмерләр арасында грек-рим көрәше буенча беренчелек узды

8 октябрьдә 6 нчы урта гомуми белем бирү мәктәбенең спорт залында яшүсмерләр арасында грек-рим көрәше буенча «Зәй» спорт мәктәбе беренчелеге узды. Әлеге чара халыкны даими рәвештә физик культура һәм спорт белән шөгыльләнүгә җәлеп итү, сәламәт яшәү рәвешен пропагандалау, спорт резервын әзерләү кебек «Демография» милли проектының бурычларын тормышка ашыра. Чараны оештыручы - «Зәй» спорт мәктәбе. Ярышта «грек-рим көрәше» бүлекчәсеннән 8 яшьтән алып 16 яшькәчә 43 тәрбияләнүче катнашты. Тәрбияләнүчеләрнең берсе, Спирин Глеб үзенең фикере белән уртаклашты: «Грек-рим көрәше чыдамлылыкны үстерә, характерны чыныктыра, көрәшкәндә син тиз карар кабул итә белергә, бер адым алдан уйларга, вәзгыятьне тулысынча контрольдә тотарга тиеш, чөнки теләсә нинди хата җиңелүгә китерергә мөмкин. Төрле шәһәрләргә төрле ярышларга чыгуыбыз да ошый. Агымдагы елның февралендә грек-рим көрәше буенча 1 олылар разрядын үтәдем, хәзер минем төп бурычым-спорт мастерлыгына кандидат разрядын үтәү. Быел 29 сентябрьдән 2 октябрьгә кадәр Октябрьск шәһәрендә узган Бөтенроссия ярышларында катнаштым инде, мин анда 1 нче урын алдым. Келәмдә җиңүче булу бик көчле хис." Ярышларны уздыру балаларны һәм яшүсмерләрне спорт белән шөгыльләнүгә җәлеп итүгә, яшьләр арасында зарарлы гадәтләрне һәм хокук бозуларны кисәтүгә, спортчыларның физик әзерлек дәрәҗәсен һәм спорт нәтиҗәләрен күтәрүгә, иң көчле көрәшчеләрне ачыклауга ярдәм итә.