Зәйдә эшсез гражданнар төркеме яңа һөнәр алды

6 октябрьдә эшсезләр төркеме өчен «КИПиАны җайга салу һәм эксплуатацияләү буенча слесарь» белгечлеге буенча һөнәри белем бирү тәмамланды. Укуга төркем Зәй шәһәре халыкны эш белән тәэмин итү үзәге тарафыннан агымдагы елның август аенда җыелды. Курсларны «Эрудит – Селдом» өстәмә белем бирү учреждениесе оештырды. 250 академик сәгатьлек курслар Зәй шәһәрендә үткәрелде. Укытучы Китызина Светлана Анатольевнаның һөнәри эше нәтиҗәсендә курс тыңлаучылары «Сызым», «Автоматика элементлары һәм контроль-үлчәү приборлары турында гомуми белешмәләр», «Контроль-үлчәү приборлары кору һәм эш принцибы», «Метрология нигезләре» дисциплиналары буенча зачет һәм имтиханнарны уңышлы тапшырдылар. Квалификация имтиханы нәтиҗәләре буенча курсларны тәмамлаучылар «3 разрядлы КИПиА көйләү һәм эксплуатацияләү буенча слесарь» һөнәре турында таныклык алдылар. Укуларын тәмамлаган гражданнар киләчәктә һөнәри эшчәнлекләрен тормышка ашыру өчен яңа белемнәр һәм яңа мөмкинлекләр ачтылар.