Туристлык слёты - 2022

24 сентябрьдә “Йолдызлык” балалар ял лагеренда шәһәр предприятиеләре һәм оешмалары, авыл яшьләренең Туристик слеты узды. Быел авыл җирлекләреннән 4 команда (Якты күл, Сәвәләй, Сарсаз-Баграж, Аксар) һәм шәһәр предприятиеләреннән һәм оешмаларыннан 8 команда ("Аккурайд Уилз Руссиа" ҖЧҖ, "Завод Техно" ҖЧҖ, "Мәгариф идарәсе", Зәй политехника көллияте, Шикәр заводы, Зәй ГРЭСы, "Спорт идарәсе") катнашты. Катнашучыларга «Асылма кичү», «Бүрәнә аша кичү», параллель борыслар аша чыгу, «Вертикаль маятник» методы белән кичү һәм авыш урыннан төшү кебек дистанцияләр узарга кирәк иде. Ярышлар нәтиҗәсендә урыннар түбәндәгечә бүленде: 1 урында - «Завод Техно» ҖЧҖ, 2 урында - Зәй политехника көллияте, 3 урында - «Мәгариф идарәсе» командалары. Авыл яшьләре арасында 1 урын - Сәвәләй, 2 урын - Якты Күл, 3 урын - Сарсаз-Баграж җирлеге командаларында. Шулай ук туристик слетта кызыклы сынауларның берсе пешекчеләр конкурсы булды. Иң аппетитлы конкурска командалар ныклап әзерләнделәр һәм беренче урынны «Завод Техно» ҖЧҖ командасы, икенче урынны шикәр заводы һәм өченче урынны «Аккурайд Уилз Руссия» ҖЧҖ командасы алды. Чара азагында барлык катнашучылар дипломнар һәм истәлекле бүләкләр белән бүләкләнделәр.