Зәйдә "Миләш спасы"фольклор бәйрәме узды
23 сентябрьдә Мирный бистәсендә «Миләш спасы» фольклор йоласы бәйрәме узды. Төп максат: микрорайонда яшәүчеләрдә халык традицияләрен саклау һәм үстерү, кече Ватаныбызның тарихи мирасына хөрмәт, табигатькә сак караш тәрбияләү. Кунакларны һәм "Миләшкәй" балалар бакчасында тәрбияләнүчеләрне шәһәр мәдәният йорты фойесында иҗат хезмәткәрләре һәм «Ивушка» халык җыры вокаль ансамбле каршы алды. Программа йола номерларыннан, фольклор җырларыннан, уеннардан, төрле этник халык уен коралларында оригиналь уеннардан, такмаклар һәм әйлән-бәйлән уйнаудан гыйбарәт булды. Фольклор бәйрәме бер сулышта узды, бигрәк тә аның безнең бистәдә яшәүче урман хезмәткәрләренең һөнәри бәйрәменә туры килүе сөендерде. Бәйрәм ахырында барлык катнашучыларга миләш төймәләре – саклагычлар бүләк иттеләр. Әлеге чара онытылган традицияләрне яңартуга, саклауга һәм буыннар дәвамчанлыгына юнәлдерелгән.